السلام عليكم
من يومين عدد كبير من مستخدمين برنامج واتساب جتلهم رساله بسياسات الشركه الجديده
وانت كمستخدم معندكش غير اختيارين اما توافق او يتقفل حسابك نهائيا
طيب نيجى للسياسات الجديده ايه هيا .. تابع الفيديو
قبل مانبدا فى شرح السياسات . شركه فيسبوك هيا فعليا الملكه لتطبيق واتساب زى تطبيق انستجرام
اشترت التطبيق فى 2014 بمبلغ زهيد جدا 19 مليار دولار
طيب والبعدين فين السياسات ياعم هقولك مستعجل ليه
1- الشركه هتحتفظ بمعلوماتك الشخصيه اللى فى التطبيق وتشاركها مع كل الشركات التابعه للفيسبوك طيب ايه هيا الشركات دى زى الفيسبوم والشركات الاعلانيه وغيرها
ودا رابط السياسات من موقع واتساب الرسمى
بمعنى اصح كدا ياصديقى انك بعد ماتوافق هتتاخد البيانات الخاصه بيك وتبقى موجوده مع كل الشركات
طيب ياعم ايه هيا البيانات الى هيخدوها
1- معلومات حسابك
2- معلومات الحاله
3- معلومات الجهاز
4- معلومات الكوكيز
زى الفيس بوك كدا بيجمع عنك معلومات عشان يعرض الاعلانات .
طيب وايه نظام المحادثات
هل هيحتفيظو بالصور والمحادثات وهل هتشارك .. طبعا لا لو الشركه لو عملت كدا هتواجه هجوم كبير من المستخدمين.
الامور اللى فى المحادثه حسب كلام فيسبوك انها مبتحفظهاش والبيانات اللى فى الوتساب مشفره من الطرف ل الطرف الاخر لو كنت قلقان وخايف ان معلوماتك وبياناتك هتخرج لبروفيل عام متقلقش.
من الاخر بقا ياصديقى الحوار دا بيتعمل عشان يستردو الفلوس اللى اندفعت اللى هو مبلغ زهيد جدا زى ماقلنا 19 مليار دولار بس.
طيب ايه مميزات عرض الاعلانات فى واتساب
هيا ميزه وحده بس ان مطورين نسخه واتساب الزهبيه هيتمكنو من عرض الاعلانات الخاصه بهم ويمكنهم الربح ايضا
طيب والسلبيات
1- بيناتك هتتاخد
2- البرنامج مش هيكو زى الاول هيكون فيه اعلانات ومش هتحس بيه هيبقى كانك بتستخدم تطبيق فيسبوك مسنجر.
طيب ايه البدايل
1- تطبيق تلجرام الشهير
Signal - 2
لو حبين نعمل شرح لبرنامج سيجنال اكتبولنا فى التعليقات
السلام عليكم ورحمه الله وبركاته
تعليقات
إرسال تعليق